"ZAMONAVIY TADQIQOTLAR VA BARQAROR RIVOJLANISH" respublika ilmiy-amaliy konferensiyasi
INGLIZ VA O‘ZBEK ILMIY DISKURSINING LEKSIK-SEMANTIK XUSUSIYATLARI
O‘zbekiston davlat jahon tillari universiteti tayanch doktoranti Toshkent, O‘zbekiston
Annotatsiya
Mazkur maqolada ingliz va o‘zbek tillaridagi ilmiy maqolalar korpuslari asosida ilmiy diskursning leksik-semantik xususiyatlari qiyosiy tahlil qilinadi. Tadqiqotda muallif tomonidan shakllantirilgan ingliz (ECRA) va o‘zbek (UCRA) ilmiy maqolalar korpuslari materiallaridan foydalanilgan. Korpus ma’lumotlari Sketch Engine platformasi yordamida tahlil qilinib, leksik birliklarning mutlaq chastotasi, normallashtirilgan chastotasi hamda korpus bo‘ylab tarqalish darajasi (DOCF va Relative DOCF) aniqlangan. Natijalar ingliz va o‘zbek ilmiy diskursida umumilmiy va terminologik leksikaning shakllanishi o‘xshash qonuniyatlarga asoslanishini, biroq ularning qo‘llanish chastotasi va funksional taqsimotida muayyan farqlar mavjudligini ko‘rsatadi.
Kalit so'zlar: ilmiy diskurs, leksik-semantik tahlil, ilmiy leksika, terminologiya.