"ZAMONAVIY TADQIQOTLAR VA BARQAROR RIVOJLANISH" respublika ilmiy-amaliy konferensiyasi
SMARTFON EKRANIDAN TARQALADIGAN KOʻK NUR (BLUE LIGHT)NING YOSHLARDA SIRKADIYAL RITM VA UYQU FIZIOLOGIYASIGA TAʼSIRI: ZAMONAVIY ADABIYOTLAR TAHLILI
Farg'ona Davlat Universiteti, Biologiya mutaxassisligi 2-bosqich magistranti
Annotatsiya
Ushbu tezisda smartfon ekranidan tarqaladigan ko'k nur (blue light)ning yoshlar organizmida sirkadiyal ritm va uyqu fiziologiyasiga ta'siri bo'yicha zamonaviy ilmiy adabiyotlar tahlil qilindi. Zamonaviy ilmiy adabiyotlar tahlili shuni ko'rsatadiki, kechki vaqtda smartfon ekranidan tarqaladigan ko'k nur melatonin sekretsiyasini susaytirib, biologik ritmning kechikishiga, uyquga ketish vaqtining uzayishiga hamda uyqu sifatining pasayishiga olib keladi. Natijada kunduzgi diqqat, kognitiv faoliyat va umumiy psixofiziologik holat salbiy o'zgarishi mumkin. Shuningdek, yoshlar orasida smartfonlardan ortiqcha foydalanish uyqu buzilishlari rivojlanishining muhim xavf omillaridan biri ekanligi ilmiy tadqiqotlar asosida yoritildi.
Kalit so'zlar: smartfon, ko'k nur, blue light, sirkadiyal ritm, melatonin, uyqu fiziologiyasi, uyqu sifati, yoshlar, kognitiv faoliyat.