Yangi O‘zbekiston: Geografiya va geoekologiya sohasida innovatsiyalar, zamonaviy ilmiy tadqiqotlar
Geoaxborot texnologiyalari va sunʼiy intellekt asosida landshaftlar monitoringi amalga oshirish
Farg‘ona davlat universiteti
Annotatsiya
Maqolada raqamli geografiya, geoaxborot texnologiyalari va sunʼiy intellekt (GeoAI) integratsiyasining landshaftlar holatini monitoring qilishdagi zamonaviy yondashuvlari tahlil qilingan. Ochiq masofadan zondlash maʼlumotlari va global yer qoplami mahsulotlari, mashinali oʻqitish va chuqur oʻqitish usullari hamda bulutli hisoblash platformalarining imkoniyatlari va cheklovlari qiyosiy baholangan. Natijalar asosida Fargʻona viloyati kabi yuqori darajada oʻzlashtirilgan hududlarda landshaftlar va ekologik karkas monitoringi uchun olti bosqichli amaliy algoritm taklif etilgan. Algoritm ochiq maʼlumotlar va bepul dasturiy vositalarga tayanib, natijalar aniqligini standart usullar bilan baholashni nazarda tutadi.
Kalit so'zlar: raqamli geografiya, GeoAI, sunʼiy intellekt, masofadan zondlash, Sentinel-2, Google Earth Engine, yer qoplamini tasniflash, landshaft monitoringi